Хууль зүйн тайлбар толь

төсөл хэрэгжүүлэгч

тухайн төслийг хариуцагч иргэн, хуулийн этгээд

Байгаль орчинд нөлөөлөх байдлын үнэлгээний тухай хууль, 1998 он, 3.1.3

төсөл хэрэгжүүлэч

тухайн төслийг хариуцагч иргэн, хуулийн этгээдийг хэлнэ.

байгаль орчинд нөлөөлөх байдлын үнэлгээний тухай хуулийн 3 дугаар зүйл

тусгай зөвшөөрөл

төрийн эрх бүхий байгууллагаас радио холбоо зохион байгуулах, түүнийг ашиглан үйлчилгээ эрхлэх, нийтийн үйлчилгээний зориулалтаар радио төхөөрөмж ажиллуулахын тулд радио давтамж, радио давтамжийн зурвас ашиглах эрх олгосон баримт бичиг

Радио долгионы тухай хууль, 1999 он, 9.1

тусгай зөвшөөрөл эзэмшигч

тодорхой төрлийн үйл ажиллагаа эрхлэхээр эрх бүхий байгууллагаас тусгай зөвшөөрөл авсан этгээд

Аж ахуйн үйл ажиллагааны тусгай зөвшөөрлын тухай хууль, 2001 он, 3.1.2

тусгай хэрэгцээний газар

эрх бүхий байгууллагаас газрын тухай хуульд заасны дагуу нийтийн тусгай хэрэгцээнд авч ашигт малтмал хайх, ашиглахыг хязгаарласан, эсхүл хориглосон газар нутаг

Ашигт малтмалын тухай хууль, 1997 он, 4.12

тусгай хэрэгцээний газар

газрын тухай хуульд заасны дагуу ЗГ, нутгийн захиргаа тодорхой газар нутгийг тусгай хэрэгцээнд авсан тохиолдолд Геолги, уул уурхайн кадастрын албанд энэ тухай шийдвэр гарснаас хойш ажлын 10 хоногийн дотор мэдэгдэл өгөх бөгөөд уг алба нь лицензийн болон лицензийн зураг зүйн бүртгэлд бүртгэнэ.

ашигт малтмалын тухай хуулийн 4 дүгээр зүйл

тусгай хэрэгцээний мэдээ

хөдөө аж ахуй, зам тээвэр, эрчим хүч, аялал жуулчлал зэрэг эдийн засгийн тодорхой салбарын онцлогийг харгалзсан иргэн, аж ахуйн нэгж, байгууллагын захиалгаар гаргаж байгаа ус цаг уур, орчны мэдээ

Ус, цаг уур, орчны хяналт шинжилгээний тухай хууль, 1997 он, 3.1.6

тусгай хэрэгцээт боловсрол

оюун ухааны хөгжил дутуу, хэл, хараа, сонсголын эрхтний согогтой хүүхдэд олгох боловсрол

Бага, дунд боловсролын тухай хууль,2002 он, 13.1

тухайн төрлийн татварын хууль хүчингүй болсноор татвар төлөх үүрэг дуусгава

улсын их хурал уг төрлийн татварын хуулийг хүчингүй болгож, татварын тооцоог хийж дуусгах хугацаа дуусах

Татварын ерөнхий хууль, 1992 он, 3-1.4

Тушаал

Байгууллагын эрх бүхий албан тушаалтнаас хууль, тогтоомжид заасан эрх хэмжээнийхээ хүрээнд байгууллагын үйл ажиллагааг хангах зорилгоор батлан гаргасан бичиг баримт

MNS 5140 : 2002

түлхүүр гардуулах гэрээ

барилга байгууламжийн зураг төсөл, инженерийн тооцоо, тоног төхөөрөмж нийлүүлж, суурилуулан, уг барилга байгууламжийг ашиглалтад бэлэн болгохтой холбогдсон үйл ажиллагааг бүхэлд нь хамарсан нэг гэрээ

Төрийн болон орон нутгийн өмчийн хөрөнгөөр худалдан авах бараа, ажил, үйлчилгээний гүйцэтгэгч сонгох журмын тухай хууль, 2000 он, 4.1.19

түр арбитр

талууд тодорхой маргааныг шийдвэрлүүлэх зорилгоор нэг удаа байгуулсан арбитр

Арбитрын тухай хууль, 2003 он, 4.1.2

түр оршин суугч татвар төлөгч

монгол улсад 183 хоногоос доош хугацаагаар оршин сууж байгаа гадаадын иргэн болон харьяалалгүй хүн

Хүн амын орлогын албан татварын тухай хууль, 1992 он, 3.3

түр хугацаагаар нэвтрүүлэх

барааг 1 жилийн дотор, тээврийн хэрэгслийг 6 сарын дотор буцаан нэвтрүүлэх нөхцөлтэйгөөр гаалийн хилээр нэвтрүүлэх

Гаалийн тухай хууль, 1996 он, 3.1.5

тэсэрч дэлбэрэх бодис

тэсрэлтийн хүчийг ашиглах зориулалттай гадны хүчний үйлчлэлээр агшин зуурын хугацаанд химийн урвалд орж, хүний амь нас, эрүүл мэнд, эд хөрөнгө, байгаль орчинд хор хөнөөл учруулах аюултай химийн нэгдэл буюу механик хольц

Тэсэрч дэлбэрэх бодис, тэсэлгээний хэрэгслийн эргэлтэд хяналт тавих тухай хууль, 2004 он, 3.1.1

тэсэрч дэлбэрэх бодис, тэсэлгээний хэрэгслийн эргэлт

тэсэрч дэлбэрэх бодис, тэсэлгээний хэрэгслийг үйлдвэрлэх, импортлох, экспортлох, худалдах, тээвэрлэх, хадгалах, ашиглах, устгах үйл ажиллагаа

Тэсэрч дэлбэрэх бодис, тэсэлгээний хэрэгслийн эргэлтэд хяналт тавих тухай хууль, 2004 он, 3.1.4

тэтгэврийн хэмжээг өөрчлөх индекс

амьжиргааны өртгийн өөрчлөлттэй уялдуулан нийгмийн даатгалын индексийг нийгмийн даатгалын үндэсний зөвлөлийн саналыг үндэслэн ЗГ тогтооно.

нийгмийн даатгалын сангаас олгох тэтгэвэр, тэтгэмжийн тухай хуулийн 30 дугаар зүйл

тэтгэвэр, тэтгэмжээс суутгал хийх

хуульд заасан журмын дагуу тэтгэвэр, тэтгэмжээс зөвхөн шүүхийн, эсхүл нийгмийн даатгалын байгууллагын шийдвэрийг үндэслэн төлбөр гаргуулна.

нийгмийн даатгалын сангаас олгох тэтгэвэр, тэтгэмжийн тухай хуулийн 29 дүгээр зүйл

тээврийн баримт бичиг

зорчигч, ачааг ачсан, хүлээн авсан тухай тэмдэглэгээ хийж, баталгаажуулсан баримт

Усан замын тээврийн тухай хууль, 2003 он, 3.1.12

тээврийн хэрэгслийн жолооч

явганаар яваа, хүүхдийн тэрэг түрсэн, чарга чирсэн, жагсаалаар яваа хүмүүс, тахир дутуу хүний дугуй /тэргэнцэр/-тай, унадаг дугуй, мопед, мотоциклыг хөтөлж, замаар яваа хүнийг ойлгоно.

Замын хөдөлгөөний аюулгүй байдлын тухай хууль, 1996 он, 2.4

Бүх нэр томьёо — 1,091