Хууль зүйн тайлбар толь

аааа

аааааа

ааааа

аааа

ааа

авто зам

авто тээврийн хэрэгсэл зорчиход зориулан барьсан хатуу, хайрган хучилттай зам, гудамж, засаж сайжруулсан болон замын хөдөлгөөнд нээлттэй зурвас газар1

Авто замын тухай хууль, 1998 он, 3.1.1

авто зам ашигласны төлбөр

Олон улсын болон улсын чанартай авто зам, замын байгууламжаар зорчиж байгаа тээврийн хэрэгслээс төлбөр авах журам, төлбөрийн хэмжээг ЗГ, орон нутгийн чанартай чанартай болон байгууллагын дотоодын замаар зорчиж байгаа тээврийн хэрэгслээс төлбөр авах журам, төлбөрийн хэмжээг аймаг, нийслэлийн Засаг дарга тогтооно.

авто замын тухай хуулийн 21 дүгээр зүйл

авто замын зурвас газар1

авто зам, замын байгууламж байрлаж байгаа болон замын хөдөлгөөний аюулгүй байдлыг хангах, технологийн үйл ажиллагаа явуулах зориулалт бүхий газар1

Авто замын тухай хууль, 1998 он, 3.1.5

авто тээврийн хэрэгсэл

зорчигч, ачаа тээвэрлэхэд зориулсан бүх төрлийн автомашин, чиргүүл, цахилгаан тээврийн хэрэгсэл

Авто тээврийн тухай хууль, 1999 он, 3.1.1

агаар

монгол улсын нутаг дэвсгэрийн хийн бүрхэвч

Байгаль орчныг хамгаалах тухай хууль, 1995 он, 3.1.5

агаарын зайн аюулгүй байдал

монгол улсын агаарын зайн халдашгүй дархан байдлыг хөндлөнгийн, хууль бус үйлдлээс хамгаалахтай холбогдсон цогцолбор арга хэмжээ

Агаарын зайг нисэхэд ашиглах тухай хууль, 2003 он, 4.1.7

агаарын зайн зөрчил

нислэгийн хөдөлгөөнийг удирдах эрх бүхий байгууллагын зөвшөөрөлгүй нислэг үйлдэх, аргагүйдсэнээс бусад тохиолдолд агаарын хөлөг нислэгийн хөдөлгөөнийг удирдах эрх бүхий байгууллагын зөвшөөрөлгүй буулт үйлдэх, тогтоогдсон журмыг зөрчин монгол улсын агаарын хаалгаар нэвтрэх, монгол улсын хилийн агаарын бүсэд зөвшөөрөлгүй нислэг үйлдэх, хориотой, хязгаарлалттай, аюултай, цэргийн зориулалтын бүсэд нислэгийн хөдөлгөөнийг удирдах эрх бүхий байгууллагын зөвшөөрөлгүй нислэг үйлдэх, агаарын хилээр орж ирсэн тагнуулын зориулалттай нисэх хэрэгслүүдийн нислэг

Агаарын зайг нисэхэд ашиглах тухай хууль, 2003 он, 8.1.1-6

агаарын зам

агаарын хөлгийн нислэгийг аюулгүйгээр гүйцэтгэхэд зориулагдсан өндөр ба өргөнөөр хязгаарлагдсан агаарын зай

Иргэний нисэхийн тухай хууль, 1999 он, 3.1.1

агаарын навигаци

агаарын хөлгийн байршил, хөдөлгөөнийг тодорхойлох, удирдан чиглүүлэхтэй холбогдсон үйл ажиллагааны цогцолбор

Иргэний нисэхийн тухай хууль, 1999 он, 3.1.2

агаарын тээвэрлэгч

агаарын тээвэрлэгчийн гэрчилгээний үндсэн дээр агаарын хөлгөөр үйл ажиллагаа эрхэлж байгаа аж ахуйн нэгж, байгууллага

Иргэний нисэхийн тухай хууль, 1999 он, 3.1.23

агаарын тээвэрлэгчийн гэрчилгээ

агаарын хөлгөөр арилжааны нислэгийн үйл ажиллагаа эрхлэх эрх олгож буй тусгай зөвшөөрөл

Иргэний нисэхийн тухай хууль, 1999 он, 3.1.24

агаарын хаалга

улсын хилийг агаарын замаар нэвтрэх газар зүйн байрлал

Иргэний нисэхийн тухай хууль, 1999 он, 3.1.3

агаарын хөлгийн дарга

агаарын хөлгийн удирдлагыг гүйцэтгэж, нислэгийн аюулгүй ажиллагааг биечлэн хариуцаж байгаа нисэгч

Иргэний нисэхийн тухай хууль, 1999 он, 3.1.5

агнуурын амьтан

арьс, үс, мах болон бусад түүхий эдийг нь ашиглахаар агнаж ирсэн уламжлалтай, агнуурын нөөцтэй ан амьтан

Амьтны аймгийн тухай хууль, 2000 он, 3.1.6

агнуурын нөөц

агнуурын амьтны биологийн нөөцөөс хэвийн өсөлт, үржилтийг алдагдуулахгүй агнах, барих боломжтой тоо, хэмжээ

Амьтны аймгийн тухай хууль, 2000 он, 3.1.7

агсамж

цэрэг, цагдаагийн албан хаагчийн нэг бүрийн иж бүрэн хувцас, хэрэглэл, зэвсэглэл

Цэрэг, цагдаагийн албан хаагчийг Нэгдсэн Үндэсний Байгууллагын энхийг сахиулах болон олон улсын бусад ажиллагаанд оролцуулах тухай хууль, 2002 он, 3.1.6

аж ахуйн нэгж, байгууллагын дотоодын авто зам

аж ахуйн нэгж, байгууллагын нутаг дэвсгэр дэх 3 дугаар зүйлийн 3.1-ийн 7, 8, 9-д зааснаас бусад авто зам

Авто замын тухай хууль, 1998 он, 3.1.10

аж ахуйн тооцоотой үйлдвэрийн газар

өөрт олгогдсон эд хөрөнгийн үндсэн дээр өөрийгөө санхүүжүүлэх зарчмаар ажиллаж бие даан иргэний гүйлгээнд ордог хуулийн этгээд

Төрийн болон орон нутгийн өмчийн тухай хууль, 1996 он, 15.2

Бүх нэр томьёо — 1,091