Эх сурвалж
Хууль зүйн тайлбар толь
Хууль зүйн нэр томьёоны албан ёсны тодорхойлолт, эх сурвалжтай нь.
«Н» үсгээр эхэлсэн 66 нэр томьёо.
Насанд хүрээгүй хүүхдийг хорих
хоригдож байгаа насанд хүрээгүй этгээдийг ахуйн нөхцөлийн хувьд сайжруулсан байранд байрлуулж, түүнд өгөх хоолны илчлэгийн хэмжээг нэмэгдүүлнэ. Түүнийг өдөр тутмын салхинд гаргах хугацаа 1 цаг ба түүнээс дээш байна.
сэжигтэн, яллагдагчийг албадан саатуулах, цагдан хорих шийдвэрийг биелүүлэх тухай хуулийн 31 дүгээр зүйл
нийгмийн асрамжийн үйлчилгээ
ахмад настан, тахир дутуу хүн, бүтэн өнчин хүүхэд болон гурав ба түүнээс дээш ихэр хүүхдийг асрамжийн газарт байрлуулан, хоол, хувцас, эмнэлэг, соёл, ахуйн үйлчилгээгээр хангах, ерөнхий боловсрол, мэргэжил эзэмшүүлэх хэлбэрээр төрөөс байнга асрамжлах үйлчилгээ
Нийгмийн халамжийн тухай хууль, 1998 он, 3.1.6
нийгмийн асрамжийн үйлчилгээ
ахмад настан, тахир дутуу хүн, бүтэн өнчин хүүхэд болон 3 ба түүнээс дээш ихэр хүүхдийг асрамжийн газарт байрлуулан хоол, хувцас, эмнэлэг, соёл, ахуйн үйлчилгээгээр хангах, ерөнхий боловсрол, мэргэжил эзэмшүүлэх хэлбэрээр төрөөс байнга асрамжлах үйлчилгээг ойлгоно.
нийгмийн халамжийн тухай хуулийн 3 дугаар зүйл
нийгмийн даатгал
иргэн,төр, аж ахуйн нэгж, байгууллагаас шимтгэл төлж сан бүрдүүлэх, даатгуулагчид хуулийн дагуу тэтгэвэр, тэтгэмж, төлбөр төлөх нийгэм, эдийн засгийн арга хэмжээ
Нийгмийн даатгалын тухай хуулийн 3 дугаар зүйл
нийгмийн даатгалын байгууллага
нийгмийн даатгалын үйл ажиллагааг эрхлэх хуулийн этгээдийг хэлнэ.
нийгмийн даатгалын тухай хуулийн 2 дугаар зүйл
нийгмийн даатгалын байцаагч
НДБ-ад 2-оос дээшгүй жил ажиллаж мэргэшсэн, мэргэжлийн өндөр зэрэгтэй ажилтанд төв байгууллагын саналыг үндэслэн асуудал хариуцсан ЗГ-ын гишүүний шийдвэрээр нийгмийн даатгалын байцаагчийн эрх олгоно.
нийгмийн даатгалын тухай хуулийн 26 дугаар зүйл
нийгмийн даатгалын сан
ажил олгогч, даатгуулагчаас зохих журмын дагуу төлсөн шимтгэлийн орлого,бусад эх үүсвэрээс бүрдүүлсэн мөнгөн хөрөнгө байна.
нийгмийн даатгалын тухай хуулийн 2 дугаар зүйл
нийгмийн даатгалын төрөл
тэтгэвэр, тэтгэмж, эрүүл мэнд, үйлдвэрлэлийн осол, мэргэжлээс шалтгаалах өвчин болон ажилгүйдлийн даатгал
нийгмийн даатгалын тухай хуулийн 3 дугаар зүйл
нийгмийн даатгалын хэлбэр
нийгмийн даатгал нь заавал болон сайн дураар даатгах гэсэн үндсэн 2 хэлбэртэй байна.
нийгмийн даатгалын тухай хуулийн 4 дүгээр зүйл
нийгмийн халамж
хүн амын эмзэг хэсэгт хамрагдах ахмад настан, эх, хүүхэд, тахир дутуу хүн, нэн ядуу амьдралтай иргэнд тэтгэвэр, тэтгэмж олгох, хөнгөлөлт, үйлчилгээ үзүүлэх чиглэлээр тэдний амьжиргааг дээшлүүлэх, түүнчлэн хүүхэд төрүүлсэн эх, бүтэн өнчин хүүхэд үрчлэн авсан эх /эцэг/ болон ихэр хүүхдэд тэтгэмж олгох агуулга бүхий нийгмийн хамгааллын арга хэмжээ
Нийгмийн халамжийн тухай хууль, 1998 он, 3.1.1
нийгмийн халамжийн үйлчилгээ
иргэнийг түр хугацаагаар хооллох, эсхүл түүнд наад захын хувцас, хүнс болон ахуй, соёлын зарим зүйл олгох, хөнгөлөлт үзүүлэх, мэргэжил эзэмшүүлэх зэрэг төрөөс үзүүлэх үйлчилгээ
Нийгмийн халамжийн тухай хууль, 1998 он, 3.1.7
нийгмийн эмзэг хэсэг
бие даан амьдрах чадваргүй, тэжээн тэтгэх төрөл садангүй, ганц бие ахмад настан, тахир дутуу хүн, бүтэн өнчин хүүхэд болон нэн ядуу амьдралтай ахмад настан, тахир дутуу хүн, олон хүүхэдтэй эх /эцэг/, нэн ядуу амьдралтай хүн
Нийгмийн халамжийн тухай хууль, 1998 он, 3.1.2
нийгмийн эрүүл мэндийн тусламж, үйлчилгээ
хүн амын эрүүл мэндийн байдлыг тандах, хянах, хамгаалах, бэхжүүлэх, өвчин, эмгэгээс сэргийлэх, эрүүл мэндийн боловсрол олгох, анагаах ухааны сургалт, эрдэм шинжилгээний ажил явуулах, эрүүл мэндэд сөрөг нөлөөлөх хүчин зүйлийг судлах, тэдгээрийг арилгахад чиглэгдсэн эрүүл мэндийн байгууллагын дангаар болон төр, олон нийт, байгууллага, аж ахуйн нэгжтэй хамтран явуулах үйл ажиллагаа
Эрүүл мэндийн тухай хууль, 1998 он, 3.1.3
нийгэмд үйлчилдэг төрийн бус байгууллага
соёл, урлаг, боловсрол, хүмүүжил, шинжлэх ухаан, эрүүл мэнд спорт, байгаль орчин, орчин ахуйн хөгжил, хүний эрх, хүн амын тодорхой бүлэг давхаргын эрх ашгийг хамгаалах энэрлийн зэрэг чиглэлээр нийгмийн тусын тулд үйл ажиллагаа явуулдаг төрийн бус байгууллага
Төрийн бус байгууллагын тухай хууль, 1997 он, 4.2
нийлмэл гэмт хэрэг
энэ хуулийн хэд хэдэн зүйл, хэсэгт заасан хоёр буюу түүнээс дээш гэмт хэрэг үйлдэж, тэдгээрийн алинд нь ч ял шийтгүүлээгүй байх
Эрүүгийн хууль, 2002 он, 19.1
нийлүүлэгчийн мэдэгдэл
үйлдвэрлэгч, эсхүл нийлүүлэгчээс бүтээгдэхүүнээ тогтоосон шаардлагад нийцэж буй талаар бичгээр мэдэгдэл гаргах ажиллагаа
Стандартчилал, тохирлын үнэлгээний тухай хууль, 2003 он, 3.1.10
нийслэл хотын оршин суугч
нийслэл хотод хууль ёсоор байнга амьдарч буй монгол улсын иргэн
Нийслэлийн эрх зүйн байдлын тухай хууль, 1994 он, 13.1
нийслэл хотын эдэлбэр газар
хот байгуулах зориулалтаар хотын ерөнхий төлөвлөгөөгөөр тодорхойлогдож, нийслэлийн иргэдийн төлөөлөгчдийн хурлаар баталсан гортиг бүхий газар
Нийслэлийн эрх зүйн байдлын тухай хууль, 1994 он, 4.2
нийтийн зориулалттай орон сууцны байшин
бүхэлдээ буюу ихэнх хэсэг нь дөрөв ба түүнээс дээш сууцны зориулалттай барилга
Орон сууц хувьчлах тухай хууль, 1996 он, 3.1
нийтийн зориулалттай орон сууцны байшин
орон сууц хувьчлах тухай хуулийн 3 дугаар зүйлийн 1 дэх заалтад заасан барилга
Сууц өмчлөгчдийн холбооны эрх зүйн байдал, нийтийн зориулалттай орон сууцны байшингийн дундын өмчлөлийн эд хөрөнгийн тухай хууль, 2003 он, 4.1.1