Хууль зүйн тайлбар толь

нислэгт тэнцэх чадвар

агаарын хөлөг, түүний эд ангиуд нь тэдгээрт тавих аюулгүй ажиллагааны шаардлагад нийцэж байгаа байдал

Иргэний нисэхийн тухай хууль, 1999 он, 3.1.15

нисэх баг

нислэгийн хугацаанд агаарын хөлгийн аюулгүй ажиллагааг хангах хариуцлага хүлээсэн, хүчин төгөлдөр мэргэжлийн үнэмлэхтэй агаарын хөлгийн багийн гишүүд

Иргэний нисэхийн тухай хууль, 1999 он, 3.1.25

нисэх буудал

аэродром, агаарын тээврийн үйлчилгээний барилга, байгууламжийн цогцолбор

Иргэний нисэхийн тухай хууль, 1999 он, 3.1.18

нисэхийн бичиг баримт

энэ хууль болон түүнд нийцүүлэн гаргасан дүрэм, журмын дагуу нисэхэд хамаарах үйл ажиллагаа (хуулийн этгээд, аэродром, агаарын хөлөг, түүнд хамаарах бүтээгдэхүүн болон тэдгээрийн үйлдвэрлэл, нисэхэд холбоотой бусад үйлчилгээ)-нд иргэний нисэхийн ерөнхий газраас олгосон гэрчилгээ, үнэмлэх, зөвшөөрөл болон бусад бичиг баримт

Иргэний нисэхийн тухай хууль, 1999 он, 3.1.19

ноёрхогч

давамгай байдлаа хууль бусаар ашиглах, өрсөлдөгчөө зах зээлд ороход саад учруулах, өрсөлдөөнийг болон хэрэглэгчийг хясан боогдуулахыг ноёрхох үйл ажиллагаанд тооцож, ийм төрлийн үйл ажиллагаа явуулсан этгээд

Шударга бус өрсөлдөөнийг хориглох тухай хууль, 2000 он, 5.2

нормт хангалтын зүйлс

цэрэг, цагдаагийн албан хаагч нэг бүрд тогтоосон хүнс, эм, ороох, боох материал, бусад зүйл

Цэрэг, цагдаагийн албан хаагчийг Нэгдсэн Үндэсний Байгууллагын энхийг сахиулах болон олон улсын бусад ажиллагаанд оролцуулах тухай хууль, 2002 он, 3.1.7

нотариатч

нотариатын үйл ажиллагааг тусгай зөвшөөрлийн үндсэн дээр эрхлэн гүйцэтгэж, нотариатын үйлчилгээний хөлс, орлогоор санхүүжин ажиллаж байгаа иргэн

Нотариатын тухай хууль, 1998 он, 4.2

нотариатчийн үүрэг гүйцэтгэгч

нотариатын үйл ажиллагааг тусгай зөвшөөрлийн үндсэн дээр хавсран эрхэлж байгаа сумын засаг даргын тамгын газрын дарга болон нотариатын үйл ажиллагаа эрхэлж байгаа хилийн чанад дахь монгол улсын дипломат төлөөлөгчийн болон консулын газар

Нотариатын тухай хууль, 1998 он, 4.3

нотлох баримт

гэмт хэргийн нөхцөл байдлын талаар энэ хуульд заасан үндэслэл, журмын дагуу олж авсан баримт сэлт, мэдээлэл

Эрүүгийн байцаан шийтгэх хууль, 2002 он, 79.1

ноу-хау

үйлдвэрлэл, удирдлага, худалдаа, санхүүгийн үнэ цэнэ бүхий бөгөөд хуулиар эрхийн хамгаалалт хийгдээгүй, нууцлагдсан, эзэмшиж ашиглахад тодорхой мэргэшил шаардагдах аливаа мэдлэг, туршлага

Технологи дамжуулах тухай хууль, 1998 он, 3.1.4

нөөцөд авсан талбай

лицензийн бүртгэлийг цэгцлэх, лиценз эзэмшигчдийн хооронд гарсан хилийн маргааныг шийдвэрлэх энэ 2 тохиолдолд геологи, уул уурхайн асуудал эрхэлсэн ЗГ-ын гишүүний шийдвэрээр тодорхой талбайг 3 хүртэл жилийн хугацаагаар нөөцөд авч болно.

Ашигт малтмалын тухай хууль, 1997 он, 4.11

нөхөн дархлаажуулалт

заавал хийх дархлаажуулалтын анхны болон давтан тунгаас хоцорсон хүнд дархлаажуулах бэлдмэл хэрэглэх

Дархлаажуулалтын тухай хууль, 2000 он, 3.1.3

нуун далдлагч

гэмт хэрэг үйлдсэн этгээд, түүний хэрэглэсэн зэвсэг, хэрэгсэл, гэмт хэрэг үйлдэж олсон эд зүйлийг урьдчилан амлахгүйгээр санаатай нуух зэргээр гэмт хэргийн ул мөрийг арилгасан этгээд

Эрүүгийн хууль, 2002 он, 39.2

нууц арга, хэрэгсэл

мэдээ, баримт сэлт нууцаар олоход зориулагдсан арга хэрэгсэл

Тагнуулын байгууллагын тухай хууль, 1999 он, 3.1.6

нууц гүйцэтгэх ажилтан

өөр байгууллагад халхавчийн дор ажиллаж байгаа тусгай албаны ажилтан

Тагнуулын байгууллагын тухай хууль, 1999 он, 3.1.8

НҮБ-ийн энхийг сахиулах ажиллагаа

НҮБ-ын мандатын дор олон улсын энх тайван, тогтвортой байдлыг сахин хамгаалах, бэхжүүлэх зорилгоор зохион байгуулж байгаа олон үндэстний цэрэг, цагдаагийн байгууллагын үйл ажиллагаа

Цэрэг, цагдаагийн албан хаагчийг нэгдсэн үндэстний байгууллагын энхийг сахиулах болон олон улсын бусад ажиллагаанд оролцуулах тухай хууль, 2002 он, 3.1.1

НҮБ-ын энхийг сахиулах, олон улсын бусад ажиллагаанд оролцох

цэрэг, цагдаагийн албан хаагч сайн дурын үндсэн дээр томилогдон хилийн чанадад үүрэг гүйцэтгэх

Цэрэг, цагдаагийн албан хаагчийг нэгдсэн үндэстний байгууллагын энхийг сахиулах болон олон улсын бусад ажиллагаанд оролцуулах тухай хууль, 2002 он, 3.1.3

нүүлгэн гаргах

гүйцэтгэх баримт бичигт заасан барилга, орон байрыг нүүн гарах этгээд, түүнтэй хамтран амьдарч байгаа гэр бүлийн гишүүн, тэдгээрийн эд хөрөнгө, гэрийн тэжээвэр амьтдаас чөлөөлж, нүүн гарсан этгээдэд чөлөөлөгдсөн барилга, орон байрыг ашиглахыг хориглох ажиллагаа

Шүүхийн шийдвэр гүйцэтгэх тухай хууль, 2002 он, 68.2

нэг бүрийн тусгай хэрэгсэл

нэг хүнд нөлөөлөх хэрэгсэл

Цагдаагийн байгууллагын тухай хууль, 1993 он, 43.1

нэгдсэн зохиогчид

бие даасан хэсэгт хуваагдах хамтын бүтээл туурвисан хоёр буюу түүнээс дээш этгээд

Зохиогчийн эрхийн тухай хууль, 1993 он, 4.3

Бүх нэр томьёо — 1,091