Хууль зүйн тайлбар толь — нэр томьёоны тодорхойлолт

хууль бус үйлдлээр олсон орлого

татварын болон бусад хууль тогтоомжийг зөрчиж олсон орлого

Татварын ерөнхий хууль, 1992 он, 3-1.7

хууль ёсны төлөөлөгч

хуулийн дагуу тогтоогдсон, сэжигтэн, яллагдагч, шүүгдэгч, хохирогчийн төрсөн болон үрчилж авсан эцэг, эх, асран хамгаалагч, харгалзан дэмжигч

Эрүүгийн байцаан шийтгэх хууль, 2002 он, 5.1.13

хууль ёсны төлөөлөгч

эрүүгийн байцаан шийтгэх хуулийн 5.1.13-т заасан хүмүүс

Улс төрийн хилс хэрэгт хэлмэгдэгчдийг цагаатгах, тэдэнд нөхөн олговор олгох тухай хууль, 1998 он, 3.1.4

хууль санаачлагч

монгол улсын Үндсэн хуулийн хорин зургадугаар зүйлийн 1 дэх хэсэгт зааснаар ерөнхийлөгч, улсын их хурлын гишүүн, засгийн газар

Хууль, Улсын Их Хурын бусад шийдвэрийн төсөл боловсруулах, өргөн мэдүүлэх журмын тухай хууль, 2001 он, 2.1.1

хууль санаачлах эрх

хууль санаачлагчаас тодорхой хууль гаргах тухай санал дэвшүүлж, мэргэжлийн түвшинд боловсруулах, боловсруулсан хуулийн төслийг хянаж, улсын их хуралд өргөн мэдүүлэх

Хууль, Улсын Их Хурын бусад шийдвэрийн төсөл боловсруулах, өргөн мэдүүлэх журмын тухай хууль, 2001 он, 2.1.2

хуульчдын сонгон шалгаруулалт

шүүгч, шүүхийн шийдвэр гүйцэтгэгчийн албан тушаал эрхлэх сонгон шалгаруулалтад оролцох, өмгөөллийн болон нотариатын үйл ажиллагаа эрхлэх тусгай зөвшөөрөл авах, прокурор, хэрэг бүртгэгч, мөрдөн байцаагчаар ажиллах хуульчдаас мэргэжлийн хангалттай мэдлэг, чадварыг эзэмшсэн эсэхийг шалгаж , гэрчилгээ олгох ажиллагаа

Хуульчдын сонгон шалгаруулалтын тухай хууль, 2003 он, 3.1.2

хуурамч эм

үйлчлэгч бодис, тун, найрлага, чанарыг дагалдах баримт бичигт нь заагдсанаас өөрчилсөн эм

Эмийн тухай хууль, 1998 он, 3.1.10

хүмүүнлэг тусламжийн бараа

давагдашгүй хүчин зүйл болон түүнтэй адилтгах өөр бусад гамшигийн улмаас учирсан гарз, хохирлыг арилгахад зориулж илгээсэн бараа

Гаалийн тарифын тухай хууль, 1996 он, 3.1.6

хүмүүнлэг тусламжийн бараа

форс мажорын улмаас учирсан гарз, хохирлыг арилгахад зориулж илгээсэн барааг хэлнэ.

гаалийн тарифын тухай хуулийн 3 дугаар зүйл

хүн амын амьдрах орчны чанар

хот, тосгоны хүрээлэн буй орчны эрүүл ахуй, аюулгүй байдал, барилгажилт, архитектурын орон зайн зохион байгуулалт, бүх төрлийн үйлчилгээ, инженерийн шугам сүлжээний хангамж, тохижилт, гоо зүйн цогцолбор үзүүлэлт

Хот байгуулалтын тухай хууль, 1998 он, 3.1.4

хүн амын амьжиргааны доод түвшин

хэрэглээний доод хэмжээг мөнгөн хэлбэрээр илэрхийлсэн

Хүн амын амжиргааны доод түвшинг тодорхойлох тухай хууль, 1998 он, 3.1.1

хүнд нөхцөлд байгаа хүүхэд

бүтэн өнчин, тахир дутуу, нэн ядуу, хараа хяналтгүй, садар самуун, хүчирхийлэл, доромжлолын улмаас сэтгэл санааны болон бие махбодийн хохирол хүлээсэн, эрүүл мэнд, амь насанд нь аюул учруулах хөдөлмөр эрхэлж буй хүүхэд

Хүүхдийн эрхийг хамгаалах тухайх ууль, 1996 он, 15.2

хүний дархлал хомсдолын вирус

зөвхөн хүний биеийн дархлалын эсүүдийг гэмтээдэг вирус /ретровирус/

Хүний дархлал хомсдолын вирусын халдвар, дархлалын олдмол хомсдолоос сэргийлэх тухай хууль, 2004 он, 3.1.1

хүний дархлал хомсдолын вирусын халдвар, дархлалын олдмол хомсдолоос сэргий

хүн амд хүний дархлал хомсдолын вирусын халдвар, дархлалын олдмол хомсдол тархахад нөлөөлж буй нөхцөл, шалтгааныг арилгах, тархалтыг бууруулах, халдвар дамжих замыг таслан зогсооход чиглэсэн цогц арга хэмжээ

Хүний дархлал хомсдолын вирусын халдвар, дархлалын олдмол хомсдолоос сэргийлэх тухай хууль, 2004 он, 3.1.3

хүний эд, эрхтэн

хүний цус, нөхөн үржихүйн эд /өндгөвч, төмсөг, өндгөн эс, сүн, ураг/-ээс бусад эд, эрхтэн

Донорын тухай хууль, 2000 он, 3.1.1

хүнсийг баяжуулах

хүний эрүүл мэндэд чухал шаардлагатай тухайн бүтээгдэхүүнд агуулагддаггүй, эсхүл боловсруулалтын явцад алдагддаг амин дэм, амин хүчил болон бичил бодисуудыг тусгай технологи, стандартын дагуу нэмэх

Хүнсний тухай хууль, 1999 он, 3.1.7

хүнсний аюулгүйн анхан шатны үзүүлэлт

мэдрэхүйгээр буюу түргэвчилсэн шинжилгээний аргаар тодорхойлогдох эрүүл ахуйн хэм хэмжээ

Хүнсний тухай хууль, 1999 он, 3.1.9

хүнсний аюулгүйн үзүүлэлт

хүнсэн дэх нян, мөөгөнцөр, тэдгээрийн хор, физик, химийн бохирдлын зөвшөөрөгдөх дээд хэмжээ

Хүнсний тухай хууль, 1999 он, 3.1.8

хүнсний нэмэлт

хүнсийг өвөрмөц чанартай болгох зориулалтаар технологийн дагуу хэрэглэдэг бодис, хольц

Хүнсний тухай хууль, 1999 он, 3.1.4

хүнсний эрүүл ахуй

хүнсний үйлдвэрлэл үйлчилгээ явуулах явцад хүнсний аюулгүй байдлыг хангах нөхцөл

Хүнсний тухай хууль, 1999 он, 3.1.3