Эх сурвалж
Хууль зүйн тайлбар толь
Хууль зүйн нэр томьёоны албан ёсны тодорхойлолт, эх сурвалжтай нь.
«Г» үсгээр эхэлсэн 122 нэр томьёо.
геодези
дэлхийн хэлбэр, хэмжээ, түүний гадаргын шилжих хөдөлгөөнийг тодорхойлох, газрын гадаргын хэсгийг зураг болгон буулган дүрслэх зорилгоор од, нар, хиймэл дагуул болон газрын зургийн багаж хэрэгслийн тусламжтайгаар тухайн цэгийн байрлал, өндөр, хүндийн хүчний хурдатгалыг хэмжин тодорхойлж математик боловсруулалт хийх цогцолбор үйл ажиллагаа
Геодези, зураг зүйн тухай хууль, 1997 он, 3.1.1
геодези, зураг зүйн багаж хэрэгсэл
өнцөг, өндөр, зай, хүндийн хүчний хурдатгал болон цэгийн байрлалыг орон зайн гурав болон түүнээс дээш хэмжээсээр тодорхойлох багаж
Геодези, зураг зүйн тухай хууль, 1997 он, 3.1.8
геодези, зураг зүйн мэдээллийн улсын нэгдсэн сан
геодези, зураг зүйн мэдээллийн улсын нэгдсэн сан нь геодезийн сүлжээний, байр зүйн зургийн, газар зүйн нэрийн болон кадастрын тухай мэдээлэл, тэдгээртэй холбогдох бусад тоон мэдээллээс бүрдэнэ. Нэгдсэн сан нь төрийн өмч байна.
геодези зураг зүйн тухай 9 дүгээр зүйл
геодезийн байнгын цэг, тэмдэгт
геодези, зураг зүйн үйл ажиллагааны үндэс болох байрлал, өндөр, хүндийн хүчний хурдатгал зэрэг орон зайн гурав болон түүнээс дээш хэмжээсээр утга нь тодорхойлогдсон, газрын гадарга, хэвлий, барилга байгууламж зэрэг хөдөлгөөнгүй биетэд бэхлэгдсэн төв болон түүний гаднах тэмдэглээс
Геодези, зураг зүйн тухай хууль, 1997 он,3.1.6
геодезийн сүлжээ
геодезийн байнгын цэг, тэмдэгтүүдийн тогтолцоо
Геодези, зураг зүйн тухай хууль, 1997 он, 3.1.7
геологи, уул уурхайн хөгжлийн агентлаг
ГУУХ-ийн агентлаг нь ГУУ-н асуудал эрхэлсэн төрийн захиргааны төв байгууллагын хэрэгжүүлэгч агентлаг бөгөөд Геологийн алба, Уул уурхайн алба, Кадастрын алба гэсэн 3 нэгжтэй байна.
ашигт малтмалын тухай хуулийн 54 дүгээр зүйл
геологийн болон уул уурхайн алба
геологийн алба нь геологи, уул уурхайн асуудал эрхэлсэн төрийн захиргааны төв байгууллагыг геологи, эрдсийн баялагийн судалгааны бодлого, хөтөлбөрийг боловсруулах талаар мэдээллээр хангах, энэ чиглэлээр судалгаа хийх үүрэгтэй. Уул уурхайн алба нь геологи, уул уурхайн асуудал эрхэлсэн төрийн захиргааны төв байгууллагад уул уурхайн хөгжлийн асуудлаар судалгаа явуулж, мэдээллээр хангах үүрэгтэй.
ашигт малтмалын тухай хуулийн 56, 57 дугаар зүйл
гишүүддээ үйлчилдэг төрийн бус байгууллага
өөрийн гишүүдэд үйлчилдэг, тэдний хууль ёсны ашиг сонирхлыг хамгаалах үндсэн зорилготой, нийгэмд үйлчилдэгээс бусад төрийн бус байгууллага
Төрийн бус байгууллагын тухай хууль, 1997 он, 4.3
гишүүн
нөхөрлөлд хөрөнгө оруулсан этгээд
Нөхөрлөлийн тухай хууль, 1995 он, 2.3
гойд ашиг шимт мал
тухайн үүлдэр, омог, хэвшлийн малаас үржил, ашиг шимийн нэг буюу хэд хэдэн чанараар онцгой давуу болох нь баталгаажсан мал
Малын удмын сан, эрүүл мэндийг хамгаалах тухай хууль, 2001 он, 3.1.3
гомдол
төрийн байгууллага, албан тушаалтны шийдвэр, үйл ажиллагаагаар иргэдийн хуулиар хамгаалагдсан эрх, эрх чөлөө, ашиг сонирхол зөрчигдсөн гэж үзэж сэргээлгэхээр гаргасан хүсэлт
Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай хууль, 1995 он, 4.4
гомдол
захиргааны хууль бус актын талаар тухайн байгууллагын удирдах дээд шатны нь байгууллага, албан тушаалтанд болон шүүхэд хандаж гаргасан нэхэмжлэлээс бусад өргөдөл
Захиргааны хэрэг хянан шийдвэрлэх тухай хууль, 2002 он, 3.1.8
гоц халдварт өвчин
улсын хил хязгаараас үл хамааран богино хугацаанд тархаж хүн, малын эрүүл мэндэд хохирол учруулж үндэсний аюулгүй байдалд сөргөөр нөлөөлөх халдварт өвчин
Малын удмын сан, эрүүл мэндийг хамгаалах тухай хууль, 2001 он, 3.1.8
грант
иргэн, хуулийн этгээд, гадаадын болон олон улсын байгууллага урьдчилан тавьсан нөхцөлийнхөө дагуу тодорхой судалгаа, шинжилгээний ажил явуулахаар шинжлэх ухааны үйл ажиллагаанд оролцогчдод буцалтгүй, эргэн төлүүлэхгүйгээр олгож байгаа мөнгөн болон бусад хөрөнгө
Шинжлэх ухаан, технологийн тухай хууль, 1998 он, 3.1.4
гуравдагч этгээд
захиргааны тухайн хэргийн улмаас эрх, хууль ёсны ашиг сонирхол нь зөрчигдсөн бөгөөд бие даасан шаардлагатайгаар захиргааны хэрэг хянан шийдвэрлэх ажиллагаанд оролцуулах нь зүйтэй гэж захиргааны хэргийн шүүх шийдвэрлэсэн иргэн, хуулийн этгээд
Захиргааны хэрэг хянан шийдвэрлэх тухай хууль, 2002 он, 21.1
гүйцэтгэгч
гэмт хэргийг гардан үйлдсэн этгээд
Эрүүгийн хууль, 2002 он, 35.5
гүйцэтгэгч
зохион байгуулалтын хэлбэрээсээ үл хамааран хэрэглэгчид төлбөртэй болон төлбөргүй ажил гүйцэтгэж, үйлчилгээ үзүүлж байгаа аж ахуйн нэгж, байгууллага, хувиараа аж ахуй эрхлэгч болон хувь хүн
Хэрэглэгчийн эрхийг хамгаалах тухай хууль, 2003 он, 3.1.4
гүйцэтгэлийн баталгаа
тухайн тендер шалгаруулалтад шалгарсан тендерт оролцогчийн гэрээний үүргийн биелэлтийг хангах зорилго бүхий, тендерийн бичиг баримтад заасан мөнгөн дүнтэй банкны батлан даалт
Төрийн болон орон нутгийн өмчийн хөрөнгөөр худалдан авах бараа, ажил, үйлчилгээний гүйцэтгэгч сонгох журмын тухай хууль, 2000 он, 4.1.20
гүнзгийрүүлсэн сургалттай ерөнхий боловсролын сургууль
шинжлэх ухааны нэг буюу хэд хэдэн чиглэлээр бүх нийтийн ерөнхий боловсролын стандартаас давсан агуулгаар сургалт явуулдаг сургууль
Бага, дунд боловсролын тухай хууль, 2002 он, 1₮.3
гэмт бүлэглэл
гэмт хэрэг үйлдэж ашиг олох зорилготой, бүтэц, зохион байгуулалт бүхий этгээдүүдийн нэгдэл
Эрүүгийн хууль, 2002 он, 36.5