Хууль зүйн тайлбар толь — нэр томьёоны тодорхойлолт

биет бус үнэт цаас

тогтоосон журмын дагуу хэвлэсэн үнэт цаасыг биет, тусгайлан хэвлээгүй, бүрдүүлбэр нь тусгай бүртгэл /ердийн болон тооцоолох машин/-д байгаа үнэт цаас

Иргэний хууль, 2002 он, 467.2

биет үнэт цаас

тогтоосон журмын дагуу биет байдлаар хэвлэсэн үнэт цаас

Үнэт цаасны зах зээлийн тухай хууль, 2002 он, 3.1.2

биобэлдмэл

хүний болон мал, амьтны өвчнийг эмчлэх, оношлох, өвчнөөс урьдчилан сэргийлэх зориулалтаар амьд бие, бие махбодь, түүний эд, эсээс үйлдвэрлэлийн онцгой нөхцөлд гаргаж авсан бүтээгдэхүүн

Эмийн тухай хууль, 1998 он, 3.1.2

биотехникийн арга хэмжээ

амьтны амьдрах болон идэш тэжээлийн нөхцөлийг сайжруулахад чиглэгдсэн үйл ажиллагаа

Амьтны аймгийн тухай хууль, 2000 он, 3.1.4

бичмэл нотлох баримт

хэрэг хянан шийдвэрлэхэд ач холбогдол бүхий бичгийн хэлбэртэй баримт

Иргэний хэрэг шүүхэд хянан шийдвэрлэх тухай хууль, 2002 он, 44.1

богино хугацаат санхүүгийн хэрэгсэлд хөрөнгө оруулалт хийх

тодорхой гэрээний үндсэн дээр иргэн, хуулийн этгээдийн хөрөнгийн эх үүсвэрийг нэг жил хүртэл хугацааны хөрөнгө оруулалтын үнэт цаас болон үүнтэй адилтгах санхүүгийн хэрэгсэлд хөрвүүлэх

Банк бус санхүүгийн үйл ажиллагааны тухай хууль, 2002 он, 4.1.8

болзол тавьж хийсэн хэлцэл

тодорхойгүй байгаа ямар нэгэн үйл явдал бий болсон нөхцөлд хэлцлийг хэрэгжүүлэх, эсхүл хэлцлийг дуусгавар болгохоор тохиролцож хийсэн хэлцэл

Иргэний хууль, 2002 он, 44.1

болзошгүй хүчирхийлэл

тухайн нөхцөл байдал нь гэр бүлийн хүчирхийлэлд хүргэхээр, эсхүл хүчирхийлэл дахин үйлдэгдэхээр байгаа

Гэр бүлийн хүчирхийлэлтэй тэмцэх тухай хууль, 2004 он, 5.1.2

боловсролын агуулга

боловсролын тухайн түвшинд эзэмшвэл зохих мэдлэг, чадвар, дадал, төлөвшлийн цогц

Боловсролын тухай хууль, 2002 он, 3.1.3

боловсролын түвшин

тухайн шатанд эзэмшвэл зохих сургуулийн өмнөх, бага, дунд, дээд боловсролын агуулгын стандартаар тогтоосон мэдлэгийн хэмжээ

Боловсролын тухай хууль, 2002 он, 3.1.4

боодол

1000 граммаас илүүгүй жинтэй, урт нь 245 мм, өндөр нь 35 мм, өргөн нь 150 мм-ээс илүүгүй хэмжээтэй савласан, захидлаас бусад шуудангийн илгээмж

Шуудангийн тухай хууль, 2003 он, 3.1.1

борлуулалт

барааны хувьд уг барааг бусдын өмчлөх эрхэд төлбөртэйгээр шилжүүлэх, ажил, үйлчилгээний хувьд уг ажил, үйлчилгээг төлбөртэйгээр гүйцэтгэх

Нэмэгдсэн өртгийн албан татварын тухай хууль, 1998 он, 3.1.1

босго үнэ

тендер шалгаруулалтын журмыг сонгоход ашиглах бараа, ажил, үйлчилгээний төсөвт өртгийн дээд болон доод хязгаарыг төгрөгөөр илэрхийлсэн дүн

Төрийн болон орон нутгийн өмчийн хөрөнгөөр худалдан авах бараа, ажил, үйлчилгээний гүйцэтгэгч сонгох журмын тухай хууль, 2000 он, 4.1.6

брокерийн үйл ажиллагаа

үнэт цаасны зах зээл дээр бусдын нэрийн өмнөөс үнэт цаасыг зуучлан худалдах, худалдан авах ажиллагаа

Үнэт цаасны зах зээлийн тухай хууль, 2002 он, 3.1.10

бусад оролцогч

гэрч, шинжээч, мэргэжилтэн, хөндлөнгийн гэрч, орчуулагч, хэлмэрч, шүүх хуралдааны нарийн бичгийн дарга

Эрүүгийн байцаан шийтгэх хууль, 2002 он, 5.1.10

бусад татвар

энэ хуулиас бусад хуульд заасны дагуу татвар төлөгчөөс гаалийн байгууллагын хурааж авах албан татвар

Гаалийн тарифын тухай хууль, 1996 он, 3.1.2

бусад этгээд

улсын болон орон нутгийн төсвийн хөрөнгөөр худалдаж авах энэ хуулийн 4.1.10-т заасан бүтээгдэхүүнийг гэрээгээр нийлүүлэх аж ахуйн нэгж, байгууллага, иргэн

Төсвийн байгууллагын удирдлага, санхүүжилтийн тухай хууль, 2002 он, 4.1.13

буцалтгүй тусламжийн бараа

монгол улсын олон улсын гэрээний дагуу хариу төлбөргүй илгээж буй бараа

Гаалийн тарифын тухай хууль, 1996 он, 3.1.7

бүлэглэн гүйцэтгэгч

хоёр буюу түүнээс дээш этгээд урьдчилан үгсэж тохиролцоогүй боловч гэмт хэрэг үйлдэхдээ санаатай нэгдсэн

Эрүүгийн хууль, 2002 он, 36.2

бүртгэлийн боомт

монгол улсын хөлөг онгоцыг бүртгэх байгууллага

Далай ашиглах тухай хууль, 1999 он, 4.1.2