Хууль зүйн тайлбар толь — нэр томьёоны тодорхойлолт

банк

хувь нийлүүлэгчдийн оруулсан мөнгөн хөрөнгөөс бүрдсэн дүрмийн сантай, хувь нийлүүлэгчид нь оруулсан хөрөнгийнхөө хэмжээгээр санхүүгийн хариуцлага хүлээдэг, бусдын мөнгөн хөрөнгийг хуримтлуулан хадгалж, өөрийн нэрийн өмнөөс зээл олгох, төлбөр тооцоо зэрэг санхүүгийн зуучлалын ажил үйлчилгээ үзүүлэх үйл ажиллагааг монголбанкны тусгай зөвшөөрөлтэйгээр эрхэлдэг, ашгийн төлөө хуулийн этгээд

Банкны тухай хууль, 1996 он, 3.1

банк бус санхүүгийн байгууллагын актив, пассив, өөрийн хөрөнгө

олон улсын жишигт нийцүүлэн монголбанкнаас баталсан нягтлан бодох бүртгэлийн журамд тодорхойлсон

Банк бус санхүүгийн үйл ажиллагааны тухай хууль, 2002 он, 4.1.10

банк бус санхүүгийн үйл ажиллагаа

монголбанкнаас тусгай зөвшөөрөл авсан аж ахуйн нэгжийн эрхэлж байгаа энэ хуулийн 7.1.-д заасан үйлчилгээ

Банк бус санхүүгийн үйл ажиллагааны тухай хууль, 2002 он, 4.1.1

банк бус санхүүгийн үйл ажиллагаа эрхлэх этгээд

энэ хуулийн 6.1.-д заасан2 этгээд

Банк бус санхүүгийн үйл ажиллагааны тухай хууль, 2002 он, 4.1.9

банкинд бүтцийн өөрчлөлт хийх

банкны бүтэц зохион байгуулалт, дүрмийн сангийн бүтцэд өөрчлөлт оруулах, дүрмийн санг нэмэгдүүлэх буюу хорогдуулах зэргээр санхүүгийн чадварыг дээшлүүлж, алдагдлыг багасгахад чиглэсэн цогцолбор арга хэмжээ авах

Банкны тухай хууль, 1996 он, 3.2.4

банкинд онцгой дэглэм тогтоох

энэ хуулийн 15 дугаар зүйлийн 1 дэх хэсгийн 1, 2-т заасан шаардлагыг з сарын хугацаанд хангаагүйгээс төлбөрийн чадваргүй болж болзошгүй нь монголбанкны хяналт шалгалтаар тогтоогдсон нөхцөлд монголбанкны шийдвэрээр тухайн банкны хэвийн үйл ажиллагааг хангах, санхүүгийн байдлыг нь сайжруулах зорилгоор удирдлага, зохион байгуулалт, санхүүгийн болон холбогдох бусад арга хэмжээг цогцолбороор нь авч хэрэгжүүлэх

Банкны тухай хууль, 1996 он, 33.1

банкны актив, пассив, өөрийн хөрөнгө

олон улсын жишигт нийцүүлэн монголбанкнаас баталсан нягтлан бодох бүртгэлийн журамд тодорхойлсон зүйл

Банкны тухай хууль, 1996 он, 3.2.5

банкны эрх хүлээн авах

монголбанк банк байгуулах зөвшөөрлийг хүчингүй болгож, банк түүний удирдлагын бүрэн эрх болон банкны өөрийн хөрөнгийг өмчлөх эрхийг банкны эрх хүлээн авагчид шилжүүлэн банкинд бүтцийн өөрчлөлт хийх буюу банкийг албадан татан буулгах үйл ажиллагаа

Банкны тухай хууль, 1996 он, 37 дугаар зүйл

бараа

мөнгөнөөс бусад бүх төрлийн хөдлөх ба үл хөдлөх хөрөнгө

Нэмэгдсэн өртгийн албан татварын тухай хууль, 1998 он, 3.1.2

бараа

эдийн засгийн ач холбогдол, үнэ бүхий худалдаж, солилцож болох зүйл болон тухайн барааг нийлүүлэхэд шаардагдах ажил

Төрийн болон орон нутгийн өмчийн хөрөнгөөр худалдан авах бараа, ажил, үйлчилгээний гүйцэтгэгч сонгох журмын тухай хууль, 2000 он, 4.1.13

бараа бүтээгдэхүүн

зах зээлд нийлүүлж байгаа бүх төрлийн эд юмс, төлбөрийн хэрэгсэл, үйлчилгээ, шилжүүлж болох эрх зэрэг

Шударга бус өрсөлдөөнийг хориглох тухай хууль, 2000 он, 4.1.1

бараа хийж бүтээсэн

үйлдвэрлэсэн, боловсруулсан, эсхүл эд ангиудын дийлэнхийг угсарч, түүний үндсэн шинж чанар, зориулалт, ашиглалтын хэлбэрээс илт өөр шинэ бараа гаргаж ирэх

Төрийн болон орон нутгийн өмчийн хөрөнгөөр худалдан авах бараа, ажил, үйлчилгээний гүйцэтгэгч сонгох журмын тухай хууль, 2000 он, 4.1.24

бараа, ажил, үйлчилгээний гүйцэтгэгч сонгох ажиллагаа

захиалагч энэ хуульд заасан тендер шалгаруулалтаар бараа, ажил үйлчилгээний гүйцэтгэгч сонгох ажиллагаа

Төрийн болон орон нутгийн өмчийн хөрөнгөөр худалдан авах бараа, ажил, үйлчилгээний гүйцэтгэгч сонгох журмын тухай хууль, 2000 он, 4.1.4

барааг гаалийн хяналтын дор хүргэх

гаалийн байгууллагаас монгол улсын олон улсын гэрээний, эсхүл бусад улсын гаалийн болон эрх бүхий байгууллагатай харилцан тохиролцсоны үндсэн дээр монгол улсын гаалийн хилээр нэвтрүүлэхийг хориглосон барааны хууль бус эргэлтийг таслан зогсоох, оролцогч этгээдийг илрүүлэх зорилгоор гаалийн хилээр хяналтын дор оруулах, дамжин өнгөрүүлэх, гаргах

Гаалийн тухай хууль, 1996 он, 3.1.20

барааны тэмдгийн олон улсын бүртгэл

дэлхийн оюуны өмчийн байгууллагын мадридын хэлэлцээр, мадридын протоколын дагуу олон улсын товчооны гүйцэтгэдэг бүртгэл

Барааны тэмдэг газар зүйн заалтын тухай хууль, 2003 он, 3.1.16

барааны тэмдэг

үйлдвэрлэл, үйлчилгээ эрхэлдэг иргэн, хуулийн этгээд өөрийн бараа, үйлчилгээг бусдын бараа, үйлчилгээнээс ялгах зорилгоор хэрэглэх ялгагдах чадвартай илэрхийлэл

Барааны тэмдэг газар зүйн заалтын тухай хууль, 2003 он, 3.1.1

барааны тэмдэг эзэмшигч

бүртгэгдсэн тэмдгийг эзэмших, ашиглах, захиран зарцуулах эрхийг хуульд заасан журмын дагуу олж авсан этгээд

Барааны тэмдэг газар зүйн заалтын тухай хууль, 2003 он, 3.1.7

баривчлах ял

энэ хуульд заасан тохиолдолд гэмт хэрэг үйлдсэн этгээдийг нийгмээс тусгаарлан тодорхой дэглэм бүхий байранд ганцаарчлан байлгах ял

Эрүүгийн хууль, 2002 он, 51.1

баривчлах, цагдан хорих байрны тогтолцоо

Нийслэлд цагдан хорих төв, баривчлах байр, аймгуудад цагдан хорих, баривчлах байр байна.Тэдгээрийн зардлыг улсын төсвөөс санхүүжүүлнэ.Хорих төв нь ШШГЕГ-ын, хорих байр нь тухайн нутаг дэвсгэрийн ШШГ албаны харьяанд тус тус ажиллана. Хорих төв нь хуулийн этгээдийн эрхтэй байна.Хорих байр байгуулах, өөрчлөх, татан буулгахсасуудлыг ЗД болон ШШГЕГ-ын даргын саналыг үндэслэн хууль зүйн асуудал эрхэлсэн ЗГ-ын гишүүн УЕП-той зөвшилцөн шийдвэрлэнэ.

сэжигтэн, яллагдагчийг албадан саатуулах, цагдан хорих шийдвэрийг биелүүлэх тухай хуулийн 6 дугаар зүйл

баривчлах, цагдан хорих шийдвэрийг биелүүлэх зарчим

баривчлах, цагдан хорих шийдвэрийг биелүүлэхэд хууль дээдлэх, хүнлэг ёс, хүний эрх, эрх чөлөөг хүндэтгэх зарчмыг баримтална. Эрүү шүүлт тулгах, эсхүл бусад арга хэрэглэн түүний бие мах бодийг тарчлаан зовоох буюу сэтгэл санааны дарамтад оруулахыг хориглоно.

сэжигтэн, яллагдагчийг албадан саатуулах, цагдан хорих шийдвэрийг биелүүлэх тухай хуулийн 3 дугаар зүйл